Aria

Ondarearen elementu hauek hobekien zaindu duten herrietako bat Aria da. Lau daude, denetara, herrian. Honako ezaugarri propioak dituzte: Jauri: aurrealdeko balkoia duen solairua inolako aldaketarik gabe gorde du. Apat: fatxadan harlanduak gorde ditu, eta 1566ko data irakur daiteke. Etxeberri: aurrekoak bezalaxe, honek ere zortzi zutabeak gorde ditu Jamar: lanabesak eta tresneria gorde ditu.

Aribe

Ariben Ibarreko garairik handiena dago, Domentx; oinplanoa 5,20 bide 7,00 metrokoa da.

Garaioa

Maisterrako garaia da, Ibar osoan, egituraren zeharkako habeak luzetarako habeen gainean jartzen dituen bakarra da. Beste ezaugarri bat zutabeek duten prisma-itxura da.

Garralda

Garraldan, Masamigeleko garaiak, barnealdean, ezkerraldeko atalak gordetzen ditu.

Hiriberri

Hiriberri da garai gehien dituen herrietako bat. Reka: 1995ean berritu zuten. Aezkoako garai guztietatik honek du teilaturik zutena. Alea gordetzeko erabiltzen da, oraindik ere. Portal: garaiak bi estalpetxo atxikiak ditu. 1652ko idazkun bat du. Jauki: harriz eginda portada du, eta 1822ko idazkuna irakur daiteke. Elizondo: ura irrista ez zedin, lau kantoiak harlauzaz babesturik dituen bakarra da.

Orbaizeta

Orbaizetako hiru garaiak oso egoera onean gorde dira. Etxegarai: 1991n berritua, oraindik ere zurezko oholtxoak dituen garai bakarra da. Larrañeta: borda baten alboan kokatuta, xarma bereziko multzo bitxia osatzen dute. Estankero: bi kale esturen artean kokatuta egoteak eta duela gutxi berritu izanak politenetako bat bihurtu dute.

Orbara

Orbaran Jabat izeneko garaia dago. Berau ere berritua izan da. Barnealdeko atalak gorde ditu.