|
Abaurreetarako errepidean bertan, begiratoki honetatik Aezkoa
Ibarraren ikuspegi zoragarria dugu aurrez aurre, Abaurrepearena bereziki. |
Orbarako elizdorrearen ondotik abiatu gaitezke. Pista hartu eta emeki igotzen hasiko gara. Pixka bat aurrreago utziko dugu eta eskuinean agertzen den bidea hartu. Aitzako bordetara joateko bide zaharra da. Lehenengo bordaren ondoan ezkerrera hartu eta pagadian barna joanen gara. Gero mendia gora Mutiako garbira aterako gara.
|
| Orbaizetaren herrigunetik abiatuta, Arburuaraino eramanen gaituen bidea hartuko dugu. Arburuan Irati ibaiaren eta Ibarreko hainbat herriren ikuspegi zoragarriaz gozatzeko parada izanen dugu. |
|
Aribe eta Aria lotzen dituen errepidetik ikuspegi zoragarria
dugu: Aribe, Irati ibaia eta ibarraren hegoranzko eremua, bainu-etxeak,
Iturta mendia... |
| Oso erraz irits
daiteke bertara Garralda-Itoiz errepidea hartuta. Ariztokiako begiratokia
oso aproposa da hegaztiak begiztatzeko, saiak batik bat. Beteluko
hariztia behealdean eta Pirinioak aurrez aurre dituela, ezin hobeto
ikus ditzakegu Aribe, Irati ibaia eta Aezkoa ibarraren zati bat. |
Auritz-Garralda errepidetik bertatik, Lapizea izeneko muinotik, ikuspegia zoragarria da: herriaren ibarra, Arregia mendiaren egutera aldera dagoen hariztiak, Erratzu mendiaren ipar hegiko pagadiak... eta guztien gainetik, gibelean, Pirinioak. |
| Sorginak
bertan elkartzen omen ziren, tradizioak dioenez, akelarreak
ospatzeko, izan ere, Pettuberrotik, ez beste inondik, ikus daitezke
ibarreko 9 herriak. |
|
Aezkoako balkoitzat
hartua, izen bereko haitzean dagoen begiratoki horretatik ikuspegi
zoragarria dago. Ekialdean Pirinioetako gailur altuak. Mendebaldean
Aezkoa. |
| Garaioaren herrigunetik kanpo, Zamariaingo begiratokiak ikuspegi ederra bistaratzen digu: Beteluko hariztia eta Iratiko ibarra. Amildegiaren gaineko harkaitz ikaragarria ikuspegi zoragarriez gozatzeko talaia aparta da. |
