GR 11 edo Pirinioetako mendi-ibilbidea Aezkoan barneratzen da eta, denetara, bi etapa betetzen ditu. Biak ere, bi noranzkoetan egin daitezke.
Etapa honek Iratiren erliebe orografikoa zeharkatzen du ekialdetik mendebaldera. Neurri handi batean basoan barna egiten da bidea. Hainbat leku xelebretatik igaro behar dugu, besteak beste: Irabiako urtegia, edo Oriongo larrediak.
Ibilbidea oso erosoa da, ibarraren behealdetik, salbu eta Mozolo eta Mendizarren artean dagoen Morateko mendi-lepoa; hemendik Oriongo mendi-lepora iritsiko gara. Aipatu bi mendi-lepo horietatik Irati osoa ikusteko aukera dugu.

Gutxi gorabeherako ibilbidea: Iratiko etxeak – Baso-etxea – La Cuestion zubia – Morateko mendi-lepoa – Oriongo mendi-lepoa – Arrazola – Orbaitzetako Ola.